जाजरकोट । सहकर्मी समाजले समाज परिवर्तनमा ठूलो भुमिका खेलेको भेरी नगरपालिका नगर प्रमुख चन्द्रप्रकाश घर्तीले बताएका छन् । मंगलबार भेरी सामुदायिक विकास मञ्चले आयोजना गरेको नव निर्वाचित जनप्रतिनिधीहरुलाई बधाई तथा शुभकामना र अभिमुखीकरण कार्यक्रम बोल्दै घर्तीले टोल विकास संस्था, सुशासन, नेतृत्व विकासको माध्यमबाट समाज परिवर्तनमा ठुलो भुमिका निर्वाह गरेको बताएका हुन् ।
उनले भने, ‘२०७४ सालमा म पहिलो कार्यकालका लागि निर्वाचित हुदाँ संस्थाको उद्धेश्य, काम बाट प्रभावित भएर नगरपालिकामा काम गर्न अनुरोध गरे, काम गर्दै जाँदा संस्थाले समुदायका मानिसमा ल्याएको परिवर्तन देखेर म साह्रै खुशी छु ।’ सहकर्मी समाजका लागि नगरपालिका बाट विनियोजन बजेटमा कुनै कमी नराख्ने समेत बताए ।
अभिमुखीकरण कार्यक्रममा भेरी नगरपालिका भित्रका वडाध्यक्ष, टोल विकास संस्थाका प्रतिनिधी, सरोकारवालाहरु, नागरिक समाज, पत्रकार लगायतको उपस्थिति रहेको सहकर्मी समाज जाजरकोटका प्रमुख नेत्र रेग्मीले बताए । कार्यक्रममा सहकर्मी समाजले आर्थिक सहयोग गरेको थियो ।
सहकर्मी समाजले गरेको विभिन्न गतिविधी हेर्न तलको लिंकमा क्लिक गर्नूहोस् ।
। २५ जेष्ठ २०७९, बुधबार