सुर्खेतमा अलपत्र परेका ४४ जनाको उद्धार गरिएको छ। लकडाउनका कारण अलपत्र परेका उनीहरुलाई स्थानीय युवा प्रकाश ढकालको पहलमा उद्धार गरिएको हो। दैलेखबाट पढाइको सिलसिलामा सुर्खेतमा बस्दै आएका र उपचारका लागि सुर्खेतमा रहेका ४४ जनालाई ना५ख ६३६१ नम्बरको बसमा बुधबार दैलेख पठाइएकोछ।
यस्तै काठमाडौंबाट आएका डोल्पाका ४ जनालाई उद्धार गरी पठाइसकिएको र तीन जनालाई पठाउने तयारी भइरहेको ढकालले बताए। यस्तै जिल्ला प्रशासन कार्यालय दैलेखले काठमाडौं लगायत विभिन्न बाहिरी जिल्लाहरुमा अलपत्र परेका २ सयभन्दा बढी दैलेखका नागरिकको उद्धार गरिएको सहायक प्रमुख जिल्ला अधिकारी इन्द्र बहादुर क्षत्रीले बताए।
प्रशासनले स्थानीय सरकारलाई बाहिर अलपत्र परेका नागरिकको उद्धार गर्न भनेको र स्थानीय तहहरुले पनि बाहिरी जिल्लामा अलपत्र परेका दैलेखका नागरिकको उद्धार गर्ने काम गरिरहेको सहाएक सिडियो क्षत्रीले जानकारी दिए।
। १० बैशाख २०७७, बुधबार