जाजरकोट — राष्ट्रिय स्वतन्त्र पार्टी (रास्वपा) जाजरकोटको जारी जिल्ला अधिवेशनमा सभापति पदका लागि रमेश केसीले उम्मेदवारी घोषणा गरेका छन्।
पार्टीभित्र सक्रिय, ऊर्जाशील र युवा पुस्तामाझ लोकप्रिय नेताका रूपमा परिचित केसीको उम्मेदवारीले अधिवेशनमा विशेष चर्चा पाएको छ।
लामो समयदेखि सामाजिक तथा राजनीतिक गतिविधिमा सक्रिय रहेका केसीले रास्वपालाई जिल्लाको बलियो राजनीतिक शक्तिका रूपमा स्थापित गर्न आफू प्रतिबद्ध रहेको बताएका छन्।
उनले संगठन सुदृढीकरण, युवाको सहभागिता वृद्धि तथा जनतासँग प्रत्यक्ष जोडिने कार्यक्रमलाई प्राथमिकतामा राख्ने प्रतिबद्धता व्यक्त गरेका छन्।
जिल्ला अधिवेशनमा सहभागी अधिकांश युवा कार्यकर्तामाझ केसीलाई सक्षम र परिणाममुखी नेतृत्वका रूपमा हेरिएको छ।
पार्टीभित्र नयाँ सोच, पारदर्शिता र जिम्मेवार नेतृत्वको आवश्यकता रहेको भन्दै उनका समर्थकहरूले उनलाई सभापतिको बलियो दाबेदारका रूपमा प्रस्तुत गरेका छन्।
जारी अधिवेशनबाट नयाँ नेतृत्व चयन हुने तयारी भइरहेका बेला रमेश केसीको उम्मेदवारीले प्रतिस्पर्धालाई थप रोचक बनाएको छ।युवा पुस्ताको उल्लेख्य समर्थन र संगठनभित्रको सक्रिय भूमिकाका कारण उनी सभापति पदका बलिया उम्मेदवारमध्ये एक मानिएका छन्।
हाम्रो पहुँच संवाददाता । २४ जेष्ठ २०८३, आईतवार