जाजरकोट । जिल्ला समन्वय समिति जाजरकोटको वेवसाइट अपडेट नै नहुने पाईएको छ । नागरिकलाई सूचना, जानकारी प्रदानका लागि खोलिएको वेवसाइट नै अपडेट नहुने भएपछि सूचना बाट नागरिक व्यञ्चित भएका छन् । वेवासाइटमा पुराना जनप्रतिनिधीको नाम, सम्पर्क नम्बर रहेको छ ।
गत जेठ २५ गते भएको निर्वाचनले नयाँ जनप्रतिनिधी आईसकेका छन् । वेवसाइटमा जिल्ला समन्वय समितिका प्रमुख मनबहादुर रावल रहेका छन् । उपप्रमुखमा ज्ञानीप्रसाद शर्मा रहेका छन् । यस्तै, निमित समन्वय अधिकारीमा गणेश ढकालको नाम रहेको छ । तर सबै फेरिएका छन् ।
हाल जिल्ला समन्वय समितिका प्रमुख कालीबहादुर खत्री, उपप्रमुख दलबहादुर सिंह, समन्वय अधिकारीमा कृष्णप्रसाद जैशी आईसकेका छन् तर पनि पुरानै जनप्रतिनिधी र कर्मचारीको विवरण वेवसाइटमा सजाईएको छ । यस्तै, जिल्ला समन्वय समितिको सदस्यहरुको नामावली समेत पुरानै रहेको छ । २०१९ मार्च २० देखि वेवसाइट अपडेट नै छैन् ।
नागरिकको सूचनाको हकलाई प्रत्याभुत गर्ने, कार्यालयका सूचना, जानकारीहरु दिन खोलिएका वेवसाइटहरु नै अपडेट नहुने भएपछि के का लागि खोलिएका हुन् भन्ने प्रश्न समेत उब्जिएको छ । यता समन्वय अधिकारीलाई सम्पर्क गर्न खोज्दा सम्पर्क हुन् सकेन् ।
यो हेर्नुहोस् वेवसाइट :
https://dccjajarkot.gov.np
। ८ श्रावण २०७९, आईतवार