नेकपा (एमाले) बाट स्थानीय तहमा निर्वाचित भएका जनप्रतिनिधिहरूले २० वटा संकल्प गरेका छन्।
एमालेले गत वैशाख ३० गते भएको स्थानीय चुनावमा निर्वाचित पालिकाका प्रमुख/उपप्रमुख, अध्यक्ष/उपाध्यक्षलाई काठमाडौंमा प्रशिक्षण दिएको थियो।
बिहीबार र शुक्रबार भएको प्रशिक्षण पछि उनीहरूले २० बुँदे काठमाडौं संकल्प जारी गरेका हुन्।
संकल्पमा कार्यकालको पाँच वर्षमा के-के गर्ने भन्ने समेटिएको छ। पहिलो बुँदामा ‘हामी शासक होइन, जनताका सेवक हुनेछौं’ लेखिएको छ।
एमालेले वैशाख ३० मा भएको निर्वाचनमा ७५२ पालिकामध्ये २०५ मा प्रमुख/अध्यक्ष र २४० मा उपप्रमुख/उपाध्यक्ष जितेको छ। एमालेबाट निर्वाचित जनप्रतिनिधिलाई अध्यक्ष केपी शर्मा ओलीलगायत शीर्ष नेताहरूले प्रशिक्षण दिएका थिए।
। ३ असार २०७९, शुक्रबार