जाजरकोट — नेकपा (एकीकृत समाजवादी) को चौथो पार्टी पुनर्गठन/स्थापना दिवस तथा जिल्ला सचिवालयको बैठक आज खलंगामा सम्पन्न भएको छ । बैठकको सञ्चालन सचिव प्रदिप खड्काले गर्नुभएको थियो भने अध्यक्षता जिल्ला अध्यक्ष दिप बहादुर थापाले गर्नुभएको थियो ।
बैठकमा पार्टी बिद्रोह तथा पुनर्गठन पछिका चार वर्षमा भएका वैचारिक तथा संगठनात्मक काम, बाम पार्टीबीचको सम्भावित एकता र आगामी कार्यदिशा जस्ता विषयमा छलफल भएको जिल्ला इन्चार्ज कृष्ण बहादुर बिसीले जानकारी दिनुभयो ।
उहाँका अनुसार यही असोज ३ गते भेरी, २५ गते छेडागाड र २७ गते कुसे गाउँमा अधिवेशन आयोजना गर्ने र तिहार लगत्तै बारेकोट र नलगाडमा अधिवेशन गर्ने निर्णय भएको छ ।
त्यस्तै पदाधिकारी, सचिवालय र जिल्ला कमिटी सदस्यहरुको लेभी निर्धारण, बैंक खाता सञ्चालन, सदस्यता नवीकरण लगायतका विषयमा कार्ययोजना पारित गरिएको समेत बिसीले बताउनुभयो ।
प्रमुख अतिथि कृष्ण बहादुर बीसी केन्द्रीय सदस्य / जिल्ला इन्चार्ज, बिषेश अतिथि : कमान खड्का केन्द्रीय सदस्य/ सह इन्चार्ज, प्रदेश कमिटी सदस्यहरु, जिल्ला सचिवालय सदस्यहरुको उपस्थिति थियो ।
हाम्रो पहुँच संवाददाता । ९ भाद्र २०८२, सोमबार