सल्यान । सल्यानमा अटो दुर्घटना हुँदा चार जना घाइते भएका छन् । बनगाड कुपिण्डे नगरपालिकाको सुनौली बजारबाट सल्लीबजार जाँदै गरेको ०२००१ ह १११५ नम्बरको अटो सल्ली रुकुम चौरजहारी सडकखण्डको बनगाड कुपिण्डे नगरपालिका ६ बयलडाँडी नजिकै दुर्घटना भएको हो । दुर्घटना परी बनगाड कुपिण्डे नगरपालिका ३का ३६ वर्षीय खलबहादुर बुढा, ४७ वर्षीय ग्रिम रोका, ५ राउचेका ५० वर्षीय शिवलाल साहु र ६१ वर्षीय मुने साहु घाइते भएको जिल्ला प्रहरी कार्यालय सल्यानले जनाएको छ ।  जिल्ला प्रहरी कार्यालय सल्यानका सूचना अधिकारी गोपाल श्रेष्ठले घाइते चालक बाहेक अन्य तीन जनाको थप उपचारका लागि नेपालगञ्ज रिफर गरिएको बताउनुभयो ।