जाजरकोट । जिल्लाको बारेकोट गाउँपालिकामा विद्यालयलाई सुन्दर बनाउन विद्यार्थीले वृक्षरोपण गरेका छन् । बुधबार (आज) दिपेन्द्र माद्यामिक विद्यालय बारेकोट गाउँपालिका ९ सक्लामा अध्ययनरत विद्यार्थीहरुले विद्यालय परिसरमा वृक्षरोपण गरेका हुन । विद्यालय वरिपरिको वातावरणलाई सुन्दर देखाउन र वातावरण संरक्षण गर्न शिक्षकहरुको सहकार्यमा विद्यार्थीहरु वृक्षरोपण वृक्षरोपण गरिएको वृक्षरोपणमा सहभागी एक विद्यार्थीले बताए ।
उनले भने ‘आफ्नो विद्यालय आफै सफा गर्नुपर्छ र यसको संरक्षणमा पनि ध्यान दिनपर्छ भन्ने उद्देश्यका साथ वृक्षरोपण गरिएको हो ।’
विद्यार्थीहरुले उक्त वृक्षरोपण कार्य संग—संगै बर्षाको कारण भक्तिएको विद्यालयको वालको समेत मर्मत गरेको सोही विद्यालयमा कार्यरत शिक्षक भीमबहादुर नेपालीले बताए । उनका अनुसार छात्रहरुले विद्यालयको वाल मर्मत गरेका थिए भने छात्राहरुले वृक्षारोपण गरेको थिए ।
हाम्रो पहुँच संवाददाता । २० असार २०८०, बुधबार