काठमाडौं : केही दिनअघिमात्रै समाजवादी मोर्चामा आबद्ध राजनीतिक दलनिकट विद्यार्थी संगठनहरुले पनि समाजवादी विद्यार्थी मोर्चा बनाएका छन्।
पञ्चासिंह नेतृत्वको अखिल क्रान्तिकारी, सुदेश पराजुली नेतृत्वको अनेरास्ववियु, रमेश यादव नेतृत्वको समाजवादी विद्यार्थी युनियन नेपाल र प्रकाश सी नेतृत्वको अखिल क्रान्तिकारीको शुक्रबार बसेको संयुक्त बैठकले विद्यार्थी मोर्चा गठन गर्ने निर्णय गरेको हो।
औपचारीक घोषणा असार १३ गते गर्ने र अवधारणापत्र समेत सोही दिन सार्वजनिक गरिने अनेरास्ववियुका अध्यक्ष सुदेश पराजुलीले जानकारी दिए।
समाजवादी विद्यार्थी मोर्चाले शैक्षिक क्षेत्रमा रहेको विकृति, विसंगति र माफियाकरणको विरुद्धमा संयुक्त रुपमा संघर्ष गर्ने सहमति गरेका छन्।
हाम्रो पहुँच संवाददाता । ८ असार २०८०, शुक्रबार