एजेन्सी । मैत्रीपूर्ण क्लब फुटबलमा स्पेनिस क्लब बार्सिलोनाले सहज जित निकालेको छ ।
बुधबार राति भएको खेलमा बार्सिलोनाले अर्को स्पेनिस क्लब जिरोनालाई ३-१ गोल अन्तरले पराजित गरेको हो ।
जोहान क्रुफ स्टेडियममा बार्सिलोनालाई जित दिलाउन कप्तान लियोनल मेस्सीले दुई गोल गरे ।
यस्तै फिलिप कौटिन्होले एक गोल थपे । जिरोनाका सामुएल सैजले एक गोल फर्काए ।
खेलको २१ औं मिनेटमा कौटिन्होले गोल गर्दै बार्सिलोनालाई अग्रता दिलाएका थिए ।
४५ औं मिनेटमा मेस्सीले गोल गर्दै टोलीको अग्रता २-० को बनाए ।
त्यसको एक मिनेट पछि नै सामुएलले गोल गर्दै खेल २-१ को बनाए ।
तर, ५१ औं मिनेटमा कप्तान मेस्सीले व्यक्तिगत दोस्रो गोल गर्दै टोलीलाई ३-१ को जित दिलाए ।
। १ आश्विन २०७७, बिहीबार