कालीबहादुर नेपाली, जाजरकोट । जाजरकोटको बारेकोट गाउँपालिकामा १० वेडको क्वारेन्टाइन स्थापना गरिने भएको छ । आइतबार गाउँपालिका अध्यक्ष महेन्द्रबहादुर शाहले सामाजिक सञ्जाल फेसवुकमा वीरेन्द्र ऐश्वर्य माद्यामिक विद्यालयको भवनमा १० वेडको क्वारेन्टाइन स्थापना गरिने जानकारी दिएका छन् ।

शनिबार एचपीखबर डटकममा आइसोलोसन कक्ष र क्वारेन्टाइन विहीन स्थानीय तह शीर्षकमा समाचार प्रकाशित भएपछि स्थानीय सरकारले थालनी गरेको छ । आइतबार बसेको आकस्मिक वैठकले वीरेन्द्र ऐश्वर्य माद्यामिक विद्यालयको भवनमा स्थापना गरिने गाउँपालिका अध्यक्ष महेन्द्रबहादुर शाहले जानकारी दिए ।

साथ वैठमा लकडाउनलाई प्रभावकारी बनाउन पनि छलफल गरिएको छ । भारत लगायतका खाडीमुलुकमा बाट फर्केका गाउँपालिका भित्रका शंकास्पद व्यक्तिलाई क्वारेन्टाइनमा आउन समेत आग्रह गरिएको छ ।

साथै गाउँपालिकाका दुई स्थानमा चेकजाँचका लागि हेल्प डेस्क निर्माण गरिएको छ । आइतबारको छलफलमा नेकपाका नेता डम्बरबहादुर सिंह, नेपाली काँगेसका नेता भुमीलाल राेकाय, वीरेन्द ऐश्वर्य माद्यामिक विद्यालयका प्रधानध्यापक गोरखबहादुर सिंह, रामीडाडा प्रहरी चौकीका प्रमुख हेरम्बहादुर पाण्डे, स्वास्थ्य संयोजक वीरराज सिंह, प्रमुख प्रशासकीय अधिकृत गोविन्द्रबहादुर सिंह लगायतका व्यक्तिहरुको उपस्थितीमा सोमबार नै क्वारेन्टाइन स्थापना गरिने विषयमा छलफल भएको हो ।