शिवालय गाउँपालिकामा जनप्रतिनिधी,कर्मचारी,सुभचिन्तक रास्ट्रबादी युवाहरु आदिको सहभागितामा गाउँपालिका कार्यालय प्राङ्गणमा नेपालको नक्सा बनाई,दिप प्रजोलन गरि संबिधान दिवश मनाइएको छ।

यस सुभकार्यमा शिवालय गाउँपालिका अध्यक्ष नरेन्द्र शाही, उपाध्यक्ष कुमारी थापा र प्रसाशकिय अधिकृत अनिल पाण्डे आदिको बक्तब्य अनुसार सार्वभौम संविधानसभावाट जारी भएको नेपालको संविधानले आजबाट पाँच बर्ष पुरा गर्दैछ । जनप्रतिनिधिहरूबाट तर्जुमा भएको संविधानबाट शासित हुने जनताको सात दशक लामो चाहना यहि संविधान मार्फत पूरा भएको हो । संविधान दिवस तथा राष्ट्रिय दिवसको यस शुभ अवसरमा सम्पूर्ण नेपाली दाजुभाइ तथा दिदीबहिनीहरूमा सुख, शान्ति, प्रगति र समृद्धिका साथै देशमा राष्ट्रिय एकता, अखण्डता एवम् आपसी सद्भभाव कायम हुन सकोस् भनी हार्दिक शुभकामना व्यक्त गर्नुभयो। अन्त्यमा, विश्वभर महामारीको रुपमा फैलिएको कोभिड–१९ को संक्रमणबाट बच्न सजग र सतर्क रहन अनुरोध समेत गरि संविधान दिबस समापन्न भयो।