बेइजिङ– अनलाइन किनमेल कम्पनी अलिबाबाका संस्थापक चिनियाँ धनाढ्य ज्याक माले अमेरिकालाई ५ लाख टेस्टिङ किट र १० लाख मास्क प्रदान गर्ने घोषणा गरेका छन् ।
चिनियाँ सामाजिक सञ्जाल वेइबो र ट्वीटरमा सन्देश जारी गर्दै ज्याक माले अमेरिकातर्फ लैजानका लागि सामानहरु तयार रहेको समेत जनाएका छन् ।
सन्देशमा उनले आफ्नो मुलुकका अनुभवबाट कोरोना भाइरसविरुद्ध लड्नका लागि यस्ता टेस्टिङ किट र व्यक्तिगत स्वास्थ्य सुरक्षा सामग्रीको महत्वपूर्ण भूमिका रहने बताएका छन् ।
ज्याक माले यसअघि जापान र इरानलाई १० लाख तथा युरोपमा १८ लाख लाख मास्क प्रदान गर्ने घोषणा गरेका थिए ।
चीन विश्वमा फेसमास्कको सबैभन्दा ठूलो निर्यातकर्ता मुलुक हो ।
यसअघि आफ्नै मुलुकमा कोरोना भाइरसको ठूलो असर पर्दा चीनले मास्कको निर्यातमा कटौती गर्ने जनाएको थियो ।
। ३ चैत्र २०७६, सोमबार