जाजरकोट । विश्व बैंक समुहले भेरी नगरपालिकालाई सहयोग गर्ने भएको छ । नेपाल शहरी सुशासन र पूर्वाधार परियोजना मार्फत नगरपालिकालाई सहयोग गर्ने भएको हो । विश्व बैंकले एक पत्र लेख्दै नगरपालिकाका सहयोग गर्ने बताएको छ ।

पत्रमा भनिएको छ, ‘स्थानीय निर्वाचनको नतिजा आएपछि भेरी नगरपालिकाको मेयरमा निर्वाचित हुनुभएकोमा विश्व बैंक समुहको तर्फबाट हार्दिक बधाई ज्ञापन गर्दछु ।

नेपाल शहरी सुशासन र पूर्वाधार परियोजना मार्फत तपाईको नगरपालिकालाई सहयोग गर्दैछौं भनेर म हाइलाइट गर्न चाहन्छु । यो रणनीतिक आयोजनाले नेपालका ३३ नगरपालिकालाई १५० मिलियन अमेरिकी डलर सहयोग उपलब्ध गराएको छ ।

आयोजनाको कार्यान्वयन व्यवस्था नेपालको संविधानको सिद्धान्त र संघीयतामा केन्द्रित रहेको छ । यसरी, नगरपालिकाहरू परियोजनाको व्यवस्थापन र कार्यान्वयन सुनिश्चित गर्न फोरन्ट र केन्द्रमा छन् । संघीय स्तरमा आयोजनाको समन्वय सहरी विकास मन्त्रालय÷ शहरी विकास तथा भवन निर्माण विभाग, आयोजना निर्देशक श्री रवीन्द्र बोहराको नेतृत्वमा आयोजना समन्वय कार्यालय (पीसीओ) ले गरिरहेको छ ।

यस परियोजनाको सफल कार्यान्वयनको लागि हामी तपाईसँग सहकार्य गर्न र निकट भविष्यमा तपाईको नगरपालिका भ्रमण गर्दा तपाईलाई व्यक्तिगत रूपमा भेट्ने आशा गर्दछौं । हामी तपाईंलाई सफल कार्यकालको कामना गर्दछौं ।’ विश्व बैंकले नगरपालिकामा सहयोग गर्ने भएपछि नगरवासीमा खुशी छाएको छ ।