जाजरकोट । मंगलबार (भोली) देखि जिल्लाका सरकारी कार्यालयहरुबाट प्रवाह हुने सेवा प्रवाह बन्द हुने भएका छन् ।
बिभिन्न सरकारी कार्यालयका कर्मचारी बैशाख ३० गते हुने स्थानीयतहको निर्वाचनको लागि खटिएकाले मंगलबार अर्थात वैशाख २७ गते देखि ३० गते सम्म सबै सरकारी कार्यालयहरुबाट अतिआवश्यक सेवा बाहेकका सेवा बन्द हुने छन् ।
सोमबार जिल्ला प्रशासन कार्यालय जाजरकोटले एक सुचना जारी गर्दै सेवा बन्द हुने जनाएको हो । सरकारी कर्मचारीहरुका निर्वाचन बनाउन जिल्लाका बिभिन्न ठाउँमा खटिएका छन् ।
यस्तै निर्वाचनको दिन सवारी आवागमन बन्द हुने भएका छन । स्थानीय तहको निर्वाचनलाई स्वच्छ र शान्त रुपमा बनाउनकै लागि मतदानको दिन सवारी आवागमन बन्द गर्ने भएको निर्णय जिल्ला प्रशासन कार्यालयले जनाएको छ ।
वैशाख २९ गते राती १२ बजे देखि ३० गते मतदान सम्पन्न नहुँदा सम्म एम्बुलेन्स, दमकल, दुर सन्चार सेवा, अस्पताल सेवा, विद्युत सेवा, सवारी पास लिएका यातायातका साधन र सुरक्षा निकायका सवारी साधन जस्ता अति आवश्यक बाहेका सवै यातायातका साधनहरु बन्द हुने प्रमुख जिल्ला अधिकारी रामबहादुर शाहीले जानकारी दिए ।
। २६ बैशाख २०७९, सोमबार