६ आश्विन २०७८, बुधबार
ताजा खबर
  

भारतीय इतिहासमै पहिलो दलित मुख्यमन्त्री

पञ्जाबमा पहिलो पटक दलितका छोरा बने मुख्यमन्त्री
भारतीय इतिहासमा पहिलोपटक पन्जाब राज्यले दलित समुदायबाट मुख्यमन्त्री पाएको छ ।
कांग्रेस नेता चरनजीत सिंह चनीले सोमबार पञ्जाबको मुख्यमन्त्रीको रूपमा शपथ ग्रहण गरेका छन् । उनी पञ्जाब राज्यमा मुख्यमन्त्रीको पद सम्हाल्ने पहिलो दलित व्यक्ति भएका छन् ।

पञ्जाब राज्यपाल बनवारीलाल पुरोहितले राज भवनमा आयोजित समारोहबीच चन्नीलाई शपथ ग्रहण गराएका हुन् । चन्नीले पञ्जाबी भाषामा सपथ ग्रहण गरेका थिए ।
काङ्ग्रेस नेता अमरिन्दर सिंहले पदबाट राजीनामा दिएपछि कांग्रेसले आइतबार चन्नीलाई पञ्जाबको मुख्यमन्त्रीको रूपमा चयन गरेको थियो ।
भारतीय समाचार पोर्टल दि वायरका अनुसार पन्जाब भारतको सबैभन्दा धेरै दलित समुदाय भएको राज्य हो ।पन्जाबको सन २०११ को जनगणना अनुसारको ३ करोड जनसंख्याको ३२ प्रतिसत संख्या दलितको छ ।

आलोचकहरुले भने आगामी वर्ष सकिने कार्यकाललाई दलित मत तान्न मात्रै चन्नीलाई अल्पकालीन मुख्यमन्त्री बनाइएको आरोप लाएका छन् ।