खलंगा, २८ असार । आगामी साउन ७ गते तोकिएको उद्योग वाणिज्य संघ जाजरकोटको निर्वाचन स्थगित भएको छ । स्थानीय प्रशासनको आदेशमा उक्त निर्वाचन स्थगित भएको निर्वाचन समितीले जनाएको छ ।

कोरोनाको संक्रमण जोखिमको कारण देखाउँदै स्थानीय प्रशासनले परिपत्र गरेपछि निर्वाचन स्थगित गरिएको मुख्य निर्वाचन अधिकृत शिवप्रसाद शर्माले बताए । उलले कोरोनाको जोखिम कायमै रहेको र चुनावका वेला ठुलो संख्यामा भिडभाड हुने भएकोले सबै कुराको मध्यनजर गर्दै निर्वाचन स्थगित गरिएको उनको भनाई छ ।

यस्तै उद्योग वाणिज्य संघको निर्वाचनका लागि सदस्यता वितरण तथा नवीकरणमा व्यापक अनियमितता भएको भन्दै नेकपा एमालेको ओली पक्षका व्यापारी, नेपाली काँग्रेस निकट व्यापारी, राप्रपा निकट व्यापारीहरुको समर्थनमा यूवा संघ नेपाल, नेपाल तरुण दल र राष्ट्रिय प्रजातान्त्रिक यूवा संगठन जाजरकोटले उद्योग वाणिज्य संघको कार्यालयमा तालाबन्दी समेत गरेको बताईएको छ ।