जाजरकोट । जाजरकोटको नलगाड नगरपालिका वडा नं ९ मा आमा सुशीला बिक र बुवा परिमले कामीको कोखबाट २०४९ सालमा जन्मिएका विष्णु बिक देशको राजनीतिक, सामाजिक परिवर्तन र युवाको सशक्तिकरणका प्रतिबद्ध अभियन्ता हुन् ।

सामाजिक यथार्थ, उत्पीडित वर्गको पीडा र जनताको आधारभूत आवश्यकता भोग्दै हुर्केका बिक आज जाजरकोटदेखि राष्ट्रिय तहसम्म एक विश्वसनीय र कर्मशील नेतृत्वका रूपमा स्थापित हुँदै आएका छन् ।

राजनीतिक यात्राको सुरुवात
विष्णु बिकले २०५९ सालमा नेकपा एमाले निकट अनेरास्ववियु (अनेरा–स्ववियु) को प्रारम्भिक कमिटीको अध्यक्षका रूपमा औपचारिक राजनीतिक यात्रा सुरु गरे । विद्यार्थी र युवालाई सङ्गठित गर्दै, जनचासोका मुद्दा उठाउँदै अघि बढेको यही यात्राले उनको नेतृत्व क्षमता उजागर ग¥यो । २०६४ सालमा बिकले नेकपा एमालेको संगठित सदस्यता प्राप्त गरे ।

२०७६–२०७८ सालतिर उनी अनेरास्ववियुका क्षेत्रीय अध्यक्ष भएर सक्रिय रहे । त्यही समयमा उत्पीडित जातीय मुक्ति समाज नेपालका क्षेत्रीय अध्यक्षका रूपमा उनी थप चर्चामा आए । दलित, सीमान्तकृत र सामाजिक न्यायका मुद्दामा आवाज उठाउँदै बिकले नेतृत्वको नयाँ आयाम स्थापित गरेका थिए ।

जातीय मुक्ति आन्दोलनमा प्रभावकारी भूमिका
२०७८ सालमा उनी उत्पीडित जातीय मुक्ति समाज, जाजरकोटका अध्यक्ष निर्वाचित भए । हाल मुक्ति समाज नेपालका केन्द्रीय सदस्य तथा जाजरकोट इञ्चार्जको जिम्मेवारी सम्हाल्दै बिक राष्ट्रिय स्तरमा दलित अधिकार, नीति सुधार र संगठन विस्तारमा सक्रिय छन् । उत्पीडित समुदायका हकहितका मुद्दा उठाउने सशक्त नेतृत्वको रूपमा उनी पहिचान बनाइरहेका छन् ।

देशकै कान्छा वडा अध्यक्ष बन्ने ऐतिहासिक उपलब्धी
२०७४ को स्थानीय तह निर्वाचनमा नलगाड नगरपालिका वडा नं. ९ मा बिकले विपक्षी गठबन्धनसँग कडा प्रतिस्पर्धा गर्दै ६८% मतले ्विजय हासिल गरे । यसै जितले उनलाई—देशकै सबैभन्दा कान्छा वडा अध्यक्ष, स्थानीय शासनमा नयाँ उर्जासहित फर्किएको युवा नेतृत्व, जनताको भरोसा जित्ने कर्मशील जन–प्रतिनिधि बनाइदियो। पाँच वर्षको कार्यकालमा उनले पूर्वाधार सुधार, शिक्षा–स्वास्थ्य, खानेपानी, सहजीकरण र सुशासनका थुप्रै कामलाई प्राथमिकता दिए।

वर्तमान जिम्मेवारी र सक्रियता

विष्णु बिक हाल— नेकपा एमालेका विभिन्न कमिटीका पदाधिकारी,नेकपा एमाले जाजरकोट जिल्ला कमिटी सदस्य, मुक्ति समाज नेपालका केन्द्रीय सदस्य तथा जाजरकोट इञ्चार्ज को रूपमा सक्रिय छन्। उनी युवा पुस्ता, सीमान्तकृत समुदाय र स्थानीय बासिन्दाबीच उदीयमान सम्भावनाका प्रतीक मानिन्छन्।

व्यक्तिगत मूल्य, राजनीतिक चरित्र

विष्णु बिकको राजनीतिक विश्वास, पदभन्दा सेवा र जिम्मेवारीको प्राथमिकता, इमानदारी, पारदर्शिता र सत्यनिष्ठा,

उत्पीडित समुदायलाई समान अवसर, युवा नेतृत्वको विकास, र सामाजिक न्याय उनी नेतृत्वको आधार मानेका छन्।

सामाजिक सेवाको जीवनभरको यात्रा

साइलो सन्तानको रूपमा जन्मिए पनि बिक बस्तीका सामान्य समस्या, अभाव, गरिबी र असमानता बीच हुर्के। यही अनुभूति नै उनको जीवनभरको सामाजिक सेवाप्रतिको प्रतिबद्धताको मूल सूत्र बन्यो। आज पनि उनी जनताको समस्या सुन्न, संकटमा साथ दिन र समाधान खोज्ने सक्रिय जन–नेताको रूपमा चिनिन्छन्।

निष्कर्ष

विष्णु बिक केवल एक नेता होइनन् उनी सामाजिक परिवर्तनका प्रतिनिधि, युवा नेतृत्वको प्रेरणाश्रोत, र उत्पीडित समुदायको आवाज हुन् । २०५९ सालमा सुरु भएको उनको संघर्षयात्रा आज उनले बनेको सशक्त, भरोसिलो र जनप्रतिबद्ध राजनीतिक नेतृत्वको प्रतिबिम्ब हो ।