युवाको मृत्यु कसैलाई व्यापार भएको छ
घाम अस्ताउने बेलामा प्यार भएको छ

यहाँ अपवाद रहेछ देशमा शान्ति पाउन
राजनीतिमा गरेको लगानी बेकार भएको छ

देश बनाउन  सयाैं   बर्ष लाग्यो गुनासो थिएन
चुनाव हुने भयो भन्दा नेतालाई हतार भएको छ

हिड्छन बलात्कारी हत्यारा खुलेआम यो देशमा
कानून भन्ने त देशमा धन्दाको व्यापार भएको छ

यूवाले छातिमा गोली खाएको देख्दैन सरकारले
नेतालाई पेट दुखेको पनि समाचार भएको छ .