जाजरकोट । जिल्लाको भेरी नगरपालिकाले बृहत निःशुल्क योग शिविर सञ्चालन गर्ने भएको छ । “स्वच्छ जीवन उच्च विचार,लागु औषधको गरौं वहिष्कार” भन्ने मुल नाराका साथ वैशाख ७ देखि ११ गते सम्म वृहत योग शिविर सञ्चालन गर्न लागेको हो । पतञ्जली योग समिति नेपालका अध्यक्ष लवदेव मिश्रको उपस्थितिमा योग शिविर सञ्चालन हुने भेरी नगरपालिकाले जनाएको छ ।
त्रिभुवन माद्यामिक विद्यालयको खेल मैदानमा सञ्चालन हुने योग शिविर विहान ५ देखि ७ बजे सम्म सञ्चालन हुनेछ । शरीरलाई स्वस्थ, मनलाई आनन्दित र तनावमुक्त बनाउन, पेट, मधुमेह, उच्च रक्तचाप, ग्याष्ट्रिईसिस, कब्जीयत, मृगौला समस्या, लागुऔषध दुव्र्यसनमा परेका,छारेरोग,नशा सम्बन्धी समस्या, दम लगायतका रोगहरु निको बनाउन शिविरले सहयोग गर्ने विश्वास लिईएको छ ।
हाम्रो पहुँच संवाददाता । २९ चैत्र २०८१, शनिबार