जाजरकोट । शिवालय गाउँपालिका वडा नं.—०९ को नाडा गाउँलाई बाख्रा पकेट क्षेत्र घोषणा गरिएको छ । पशु अस्पताल तथा पशु सेवा कार्यालय जाजरकोटले उक्त क्षेत्रलाई बाख्रा पकेट क्षेत्र घोषणा गरेको हो ।
नाडा गाउँका ७८ जना कृषकले बाख्रापालन गरेका छन् । दैनिक जीवन निर्वाह गर्न, गाउँ मै रोजगारी गर्ने र मासुको उत्पादन बढाउने उद्धेश्यले पकेट क्षेत्र घोषणा गरिएकोे पशु अस्पतालका तथा पशु सेवा कार्यालय जाजरकोटका नायव पशु सेवा प्राविधिक कमल सिंहले जानकारी दिए ।
हाम्रो पहुँच संवाददाता । ८ पुष २०८०, आईतवार