जाजरकोट । भेरी खबर मिडिया प्रा.लि. जाजरकोटद्धारा सञ्चालित नेपालपोस्ट खबरले यस बर्ष नलगाड नगरपालिकाका प्रमुख प्रशासकीय अधिकृत मानबहादुर गिरीलाई सम्मान गर्ने भएको छ ।
आ.व. २०७९/०८० मा जाजरकोटका सात वटै पालिका मध्ये सबैभन्दा बढी मिडियामैत्री काम गरेको भन्दै भेरी खबर मिडियाले सम्मान गर्ने निर्णय गरेको नेपालपोस्ट खबरका प्रधान सम्पादक हेमन्त केसीले जानकारी दिए ।
नेपालपोस्ट खबरका प्रकाशित समाचारको सर्वेक्षण गर्दा अधिकृत गिरीको समाचारको संख्या सबैभन्दा बढी भएकोले यस बर्ष उहाँलाई सम्मान गर्ने निर्णय गरेको सम्पादक केसीले बताए । उनका अनुसार नगद पुरस्कार सहित सम्मान गरिने छ । यस्तै, सडक डिभिजन कार्यालय चौरजहारीका प्रमुख आशुतोष कर्णलाई समेत सम्मान गरिने सम्पादक केसीले बताए ।
यो भन्दा पहिले खानेपानी सिँचाइ तथा उर्जा विकास कार्यालयका प्रमसख ज्वालाराज शाही , नलगाड नगरपालिकाका निमित्त प्रमुख प्रशासकीय अधिकृत सुरेन्द्र सिंह , बारेकोट गाउँपालिकाका तत्कालिन प्रमुख प्रशासकीय अधिकृत गोविन्द सिंहलाई पनि सम्मान गरिएको थियो ।
हाम्रो पहुँच संवाददाता । ६ आश्विन २०८०, शनिबार