जाजरकोट । ५९ औं राष्ट्रिय बाल दिवस जिल्लाको भेरी नगरपालिका ८ मा भव्यताका साथ मनाईएको छ । वडा स्तरीय बाल अधिकार समितिको आयोजनामा विभिन्न कार्यक्रमको आयोजना गरी बाल दिवस मनाईएको हो । वक्तृत्वकला प्रतियोगिता, खोखो खेलको आयोजना गरी बाल दिवस मनाईएको वडाध्यक्ष वीरबहादुर चन्दले जानकारी दिए ।

बाल विवाह न्यूनिकरणमा विद्यार्थीको भुमिका शीर्षकमा भएको वक्तृत्वकला प्रतियोगितामा चन्द्रज्योती आधारभुत विद्यालयकी छात्रा रिता विक प्रथम भएकी छन् भने मष्टा आधारभुत विद्यालयकी छात्रा सविता वली दृतिय भएकी छन् । यस्तै, नेपाल राष्ट्रिय आधारभुत विद्यालयकी छात्रा लक्ष्मी चन्द तृतिय भएको वडाध्यक्ष चन्दले बताए ।

यस्तै, खोखो खेलतर्फ मष्टा आधारभुत विद्यालय प्रथम, चन्द्रज्योति आधारभुत विद्यालय दृतिय र सूर्य ज्योति आधारभुत विद्यालय तृतिय भएको छ । विजेता सबैलाई आकर्षक पुरस्कार वितरण गरिएको छ । पाँचतारा यूवा संरक्षक मञ्च, भेरी नगरपालिका र वल्र्ड भिजनको साझेदारीमा कार्यक्रम भएको थियो । वडा नं ७ का वडाध्यक्ष दीपबहादुर शाही, वडा नं ९ का वडाध्यक्ष हिरा प्रसाद शर्माको उपस्थिति रहेको थियो । कार्यक्रममा ६ सय भन्दा बढी सहभागी रहेको वडाध्यक्ष चन्दले बताए ।

‘बालबालिकामा लगानी, सुनिश्चि भविष्यको थालनी’ राष्ट्रिय बालदिवस २०८० को नारा रहेको थियो ।