खलंगा । जिल्लाको भेरी नगरपालिकाका २७ विरामी गोरुलाई गोठमै पुगेर उपचार गरिएको छ । पशु अस्पताल तथा पशु सेवा कार्यालय, जाजरकोटबाट खटिएको पशु चिकित्कसको टिमले मंगलबार गोठमै पुगेर विरामी गोरुहरुको उपचार गरेको हो ।

स्थानीय सूचनाका आधारमा खटिएको पशु चिकित्सको टोलीले भेरी नगरपालिका वडा नं. ११,१२ र १३ का विभिन्न ठाउँका २७ गोरुहरुको उपचार गरेको पशु अस्पताल तथा पशु सेवा कार्यालय जाजरकोटका नायव पशु स्वाथ्य प्राविधिक कमल सिंहले बताए । उनका अनुसार ‘विरामी गोरुहरुको उपचारका लागि पशु विकास अधिकृत डा.सुशिल ऐरको नेतृत्वमा पशु चिकित्सकको टिम गाउँमा पुगेको थियो ।’