जाजरकोट । जाजरकोटमा पहिलो पटक जिल्ला स्तरीय खुल्ला नेपाली टाईपिङ प्रतियोगिता हुने भएको छ । मालिका कलेज अफ इन्फरमेशन टेक्नोलोजीको आयोजनामा आगामी चैत्र ४ गते जिल्ला स्तरीय खुल्ला नेपाली टाईपिङ प्रतियोगिता हुने भएको हो ।
मानव जीवनमा कम्प्यूटर शिक्षा आजको आवश्यकता हो भन्ने विषयलाई विशेष केन्द्रविन्दुमा राखी टाईपिङ प्रतियोगिताको आयोजना गरिएको कलेजका सहायक मेनेजर भाबुक रिदम बाबुले जानकारी दिए ।
उनका अनुसार आगामी चैत्र ४ गते शनिवारका दिन उक्त प्रतियोगिता सञ्चालन हुनेछ । विजेतालाई प्रमाण पत्र र मेडल प्रदान गरेको उनको भनाई छ । दर्ताका लागि चैत्र ४ गते विहान ८ बजे सम्म नाम दर्ता गराउन सकिनेछ ।
हाम्रो पहुँच संवाददाता । १ चैत्र २०७९, बुधबार