जाजरकोट । पश्चिम जाजरकोटमा रहेको जनज्ञानकुञ्ज क्याम्पस दशेराको स्ववियू सभापतिमा नेकपा माओवादी केन्द्र निकट अखिल क्रान्तिकारीका जागेश्वर थापा सर्वसम्मत निर्वाचित भएका छन् ।
पश्चिम छेडागाड नगरपालिका –०३ दशेरामा रहेको उक्त क्याम्पसमा नेविसंघ, अखिल क्रान्तिकारी, अनेरास्ववियू, अनेरास्ववियू (समाजवादी) वीच विभिन्न पदहरु वीच भागबण्डा सहित सहमति भएको हो । यस्तै उपसभापतिमा नेपाल विद्यार्थी संघका धनबहादुर बुढा निर्वाचित भएका छन् ।
सचिवमा अनेरास्ववियू बाट रमेश खत्री, स– सचिवमा नेविसंघका सर्पराज थापा, कोषाध्यक्षमा अनेरास्ववियू ( समाजवादी) की अनिता केसी सर्वसम्मत निर्वाचित भएको अखिल क्रान्तिकारी जाजरकोटका इन्चार्ज महेश अधिकारीले जानकारी दिए । क्याम्पसमा १५ सदस्सीय स्ववियू कमिटी सर्वसम्मत निर्वाचन भएका हुन् । क्याम्पसमा जुनीचाँदे, शिवालय, छेडागाड नगरपालिकाका विद्यार्थीहरु अध्ययनक्त छन् ।
त्रिभुवन विश्वविद्यालय मातहतमा रहेको क्याम्पस पश्चिम जाजरकोटको एक मात्र क्याम्पस हो ।
हाम्रो पहुँच संवाददाता । २७ फाल्गुन २०७९, शनिबार