जाजरकोट । जिल्लाको नलगाड नगरपालिका ५ दल्लीमा बसोबास गर्ने सविन सिंह ठकुरीले आफ्नो जन्मदिनको अवसरमा विपन्न बालबालिकालाई शैक्षिक सामग्री वितरण गरेका छन् ।
आईतबार जन्मदिनको अवसर पारी नगरपालिका भित्रका विपन्न ६५ जना बालबालिकालाई शैक्षिक सामग्री वितरण गरेका हुन् । विपन्न बालबालिकाहरुलाई पढ्न र लेख्न सहज होस् भन्ने हेतुले आफ्नो जन्मदिनको अवसरमा दल्लीमा रहेको त्रिवेणी यूवा क्लवलाई शैक्षिक सामग्री हस्तान्तरण गरेका थिए ।
उक्त शैक्षिक सामग्रीलाई क्लवले आईतबार विपन्न बालबालिकालाई हस्तान्तरण गरेको स्थानीय यत्र शाहीले बताए । बालबालिकाहरुलाई कापी, कलम वितरण गर्नुका साथै घरमा रहेका बालबालिकाहरुलाई कसरी पढाउने भन्ने विषयमा अभिभावकहरुलाई प्रशिक्षण समेत दिईएको छ ।
दल्लीमा रहेको त्रिवेणी यूवा क्लवले नलगाड नगरपालिका भित्र विभिन्न समाज सेवाका कामहरु गर्दै आएको छ । जन्मदिनको अवसरमा विपन्न बालबालिकाहरुलाई शैक्षिक सामग्री वितरण गर्नु निकै सह्रनिय कार्य रहेको छ ।
। ६ भाद्र २०७८, आईतवार