खलंगा, २८ असार । जिल्लाको शिवालय गाउँपालिकाको छेडा बजारमा रहेको अस्थाई प्रहरी पोस्टको भवन उद्धघाटन गरिएको छ । सोमबार एक कार्यक्रमका विच उद्धघाटन गरिएको हो ।
उक्त भवनमा शिवालय गाउँपालिकाको ४ लाख ५३ हजार, छेडागाड नगरपालिकाको २ लाख ४० हजार, जुनीचाँदे गाउँपालिकाको १ लाख ४० हजार र जन सहभागितामा ९९ हजार २ सय २५ आर्थिक सहयोगमा उक्त भवन निर्माण गरिएको हो ।
जिल्लामा ट्राफिक नियमलाई व्यवस्थित बनाउन र सवारी साधन दुर्घटनाको जोखिमलाई न्युनिकरण गर्न ठुलो सहयोग पुग्ने अपेक्षा गरिएको जिल्ला ट्राफिक प्रहरी कार्यालय जाजरकोटका प्रमुख लक्ष्मण विश्वकर्माले बताए । उनले भने, ‘स्थानीय सरकारहरुको भुमिका महत्वपुर्ण छ, यसले ट्राफिक प्रहरीहरुलाई काम गर्न निकै सजिलो भएको छ ।’
जिल्लामा सवारी साधन दुर्घटना, ट्राफिक नियम कार्यान्वयनलाई व्यवस्थित बनाउन सधै तत्लिन रहेको प्रमुख विश्वकर्माले बताए । जिल्लाका विभिन्न ठाउँहरुमा डमि ट्राफिक प्रहरी, ट्राफिक सङकेत , दुर्घट्ना न्युनिकरण सम्बन्धी जनचेतनामुलक बोर्डहरु राख्ने लगायतका कामहरु भईरहेको प्रमुख विश्वकर्माले जानकारी दिए ।
विगतका ट्राफिक प्रमुखहरु भन्दा अहिले निकै सुधारात्मक काम भईरहेको स्थानीय बताउँछन् ।
। २८ असार २०७८, सोमबार