काठमाडौं । इन्टरनेट सेवा प्रदायक कम्पनी सुबिसुले केवलनेट प्रालीले आफ्ना ग्राहकका लागि सुबिसु सेल्फ केयर पोर्टल सञ्चालनमा ल्याएको छ ।
नेपालको एक अग्रणी केबल टेलिभिजन, इन्टरनेट र नेटवर्क सेवा प्रदायक कम्पनी, सुबिसु केबलनेट प्रालीले आफ्ना ग्राहकको थप सुविधाका लागि सुबिसु सेल्फ केयर पोर्टल सञ्चालनमा ल्याएको हो ।
यसबाट ग्राहकले आफुले खरिद गरेको सेवाको बारेमा विविध जानकारी लिन सक्ने कम्पनीले जानकारी दिएको छ ।
त्यस्तै अनलाइन भुक्तानीबाट सेवा नविकरण गर्न र हाल सञ्चालनमा रहेको सेवालाई आफुले चाहे अनुरुप विभिन्न सेवा प्लानमा अपग्रेड गर्न सक्ने कम्पनीले जनाएको छ ।
ग्राहकवर्गको सहजता एवंम सेवाको पारदर्शीताका लागि सेल्फ केयर पोर्टल सञ्चालन गरिएको विश्वास लिइएको कम्पनीको दावी छ ।
आगामी दिनहरुमा उक्त पोर्टलमा विभिन्न उपयोगी सेवाहरु पनि थप्दै जाने कम्पनीको भनाई छ ।
सुबिसु सेल्फ केयर पोर्टल सेल्फकेयर डट सुबिसु डट नेट डट एनपीबाट प्रयोग गर्न सकिने छ ।
। १५ भाद्र २०७७, सोमबार